Islamic Query Detail

ഹറാമായ കാര്യങ്ങൾ നടക്കുന്ന  വിവാഹ സൽക്കാരങ്ങളിലും മറ്റും നമ്മൾ പങ്കെടുക്കുന്നത് മുഖേന ഹറാമുകളെ  തടുക്കുവാനോ ഇല്ലാതാക്കുവാനോ  സാധിക്കുമെങ്കിൽ അതിൽ പങ്കെടുക്കേണ്ടതാണ്.  ഇനി ആ ഹറാമുകളെ തടുക്കുവാനോ,   ഇല്ലാതാക്കാനോ നമുക്ക് സാധിക്കില്ലെങ്കിൽ അതിൽ പങ്കെടുക്കാൻ ഹറാമാണ്. 

 ഹറാം നടക്കുന്ന കാര്യം അറിയാതെ ആ സൽക്കാരത്തിൽ പങ്കെടുത്താൽ അല്ലെങ്കിൽ നമ്മൾ ചെന്നതിനു ശേഷമാണ് ഹറാം ആരംഭിച്ചത് എങ്കിൽ അതിനെ നമ്മൾ തടയണം.  അവർ നമ്മളെ അംഗീകരിച്ചില്ലെങ്കിൽ ആ സൽക്കാരത്തിൽ നാം പങ്കെടുക്കരുത്. 

 ഇതുപോലുള്ള സൽക്കാരത്തിൽ പങ്കെടുക്കാതിരുന്നതിൻറെ പേരിൽ അടുത്ത കുടുംബക്കാർ  ബന്ധം മുറിച്ചാൽ പോലും നമ്മൾ കുറ്റക്കാർ ആവുകയില്ല. അല്ലാഹുവിന് എതിര് പ്രവർത്തിക്കുന്നതിൽ ഒരു സൃഷ്ടിയെയും വഴിപ്പെടാൻ പാടില്ലെന്ന് നബി (സ) അരുളിയിരിക്കുന്നു.